(قَالَ اجْعَلْنِي عَلَى خَزَائِنِ اﻷَرْضِ إِنِّي حَفِيظٌ عَليِمٌ)
أعضائنا الكرام ...
أهلا بكم في منتدى ممثلي وزارة المالية بمصر ، إذا كانت هذه أول زيارة لك فيمكنك التسجيل بالمنتدى وبعد التسجيل يمكنك اﻻستفادة وكتابة الموضوعات أو الرد عليها وتنزيل القوانين والكتب الدورية والملفات
نحن نحتاجك كعضو مشارك أكثر من كونك عضو مسجل!

(قَالَ اجْعَلْنِي عَلَى خَزَائِنِ اﻷَرْضِ إِنِّي حَفِيظٌ عَليِمٌ)

منتدى ممثلــــــــي وزارة المالية بمصــــــــــــــــــــــــــــــــــــــــر
 
الرئيسيةمكتبة الصوراليوميةبحـثالتسجيلدخول
رجاء من الزملاء الافاضل عند مطالعة موضوع اضافة رد فيستفيد منه الزملاء وحتى ننهض بعملنا وبمصر
احصل على القانون 89 ولائحته التنفيذية و127 ولائحته التنفيذية ،الكتب الدورية واهم الفتاوى القانونية والتعديلات على اللائحة المالية
موضوعات جديدة بباب رصــــــــــــد ( الباب بأسفل المنتدى )
تحية من القلب لكل جهد مخلص يسعى لمصلحة مصر
لصفحة المنتدى هذه منتدى مواز على الفيس بوك بعنوان http://www.facebook.com/groups/anamaly?ap=1
موقع وزارة المالية على العنوان التالي www.mof.gov.eg
مرحبا بك في منتدى ممثلي وزارة المالية المنتدى الأول الذي يهتم بكل ما يتعلق بممثلي وزارة المالية المصرية
Smileكل عـــــــــــــــــــــــــــــــــــــــام أنتم بخير Smile
مسلسل ضرب وإهانة ممثلي المالية وتحطيم سياراتهم وممتلكاتهم بسبب قرارات الـ 200 % ما زال مستمرا !
مرحبا
كنا في البدء منعزلين ، يغرد كل على حده ، أما الآن فنحن وحدة واحدة ، مالية متحدة للأبد ودائما للأمام
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

شاطر | 
 

 لقاء خاص ( لم يتم ) بقلم أستاذ أحمد حسام

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
طاهر السقا
Admin
avatar

عدد المساهمات : 319
تاريخ التسجيل : 14/03/2011
العمر : 44
الموقع : WWW.MALEYA.FORUMEGYPT.NET

مُساهمةموضوع: لقاء خاص ( لم يتم ) بقلم أستاذ أحمد حسام   الخميس مايو 26, 2011 5:21 pm

السيد الوزير بمكتبه الفخم يستدعي احد المستشارين ( وقد كان الوزير متعجبا )..المستشار يدخل مسرعا
و: ايه ياجماعه انتوا مش عارفين اللي بيحصل ولاايه ؟؟
م/ خير ياباشا ايه حصل
و/ انا فاتح وداخل علي الفيسبوك لقيت جروب اسمه رابطه المديريات الماليه وهات ياكلام عني وعن الوزاره هما مين دول وايه علاقتهم بالوزاره ؟؟
م/ياباشا دول مندوبي الوزاره في الجهات وقطاع كبير في وزاره سيادتك
و/ في الوزاره هنا إإ يعني شغالين تبع وزاره الماليه إإ امال محدش جابلي سيرتهم ولا قاللي حاجه عنهم قبل كده ؟؟
م/ ياباشا ده سيادتك قابلتهم وقعدت معاهم ووافقتلهم علي جزء من طلباتهم والباقي اجلته او جاري النظر فيه او لغيته من اساسه ويكون احسن ونستريح منهم
و/ انا فاكر حاجه زي كده لما حضروا وقالوا اعتصام وزيادات والكلام ده ولو اني مش فاكر الباقي بس انت بتقول اني وافقتلهم علي طلباتهم امال عايزين ايه تاني ؟؟
م/ مانا بقول لسيادتك ده صنف نمرود مايملاش عينهم الاالتراب كانوا بيتشنقوا الاول علي حد يسمعلهم ولما حصل وعبرناهم بداوا يطلبوا ولما اتنفذلهم جزء طمعوا زي ماسيادتك شايف وساقوا فيها
و/ بس انا شايف ان ليهم طلبات تانيه مش ماديه بيقولوا مساواه وحصانه ونقابات وصناديق ووو ... هما بيعملوا ايه اصلا .. ياريت تفكرني بطبيعه شغلهم ..زي مانت شايف ماكنتش اعرف ان هما تبعنا اصلا
م/ ( المستشار يشرح للوزير طبيعه عمل مندوبي الماليه ومايقومون به ) وكان شرحا امينا ومفصلا
و/ ياخبر ابيض .. ده علي اللي بتقوله ده وان ده شغلهم ده يعتبر اهم قطاع عندي..بيراقبوا علي الصرف ويحافظوا علي المال العام وهما اساس تحصيلات القطاعات الاخري وعينهم علي بنود الموازنه وعدم تجاوزها وبياناتهم شهريه وربع سنويه وختاميه في نهايه العام والبيانات دي هيا اساس شغل وزاره الماليه بالكامل وكمان البيانات دي بتكون يدوي والكتروني علي اللاب توب ..كده ليهم حق لااحنا مقدرينهم ولا مقدرين قيمه شغلهم.. وعلي الاقل نساويهم بزملاؤهم في القطاعات الاخري
م/ ياباشا مساواه ايه وايش جاب لجاب .. ياباشا كل الاعمال اللي سيادتك قلتها دي مابتخدش منهم نص ساعه او ساعه بكتيره في اليوم وان راحوا كل يوم .. غير انهم بيروحوا الوحدات بمزاجهم لاحضور ولا انصراف والوحده اللي فيها اتنين او تلاته وكلاء مع المدير مقسمين ايام الاسبوع بينهم في الحضور وان حضر المدير اصلا ووووو....ولما بيقولوا انهم بيساهموا في التحصيلات للقطاعات الاخري دي ارقام جاهزه عندهم ناقلينها من الاستمارات ومعلينها في الدائنه يسمحوها ويطلعوا بيه الشيك .. تعب ايه ومجهود ايه بقي ووو ..
و/ ( الوزير مقاطعا ) ياراجل حرام عليك انت ناقص تقول انهم بيقبضوا وهما قاعدين في بيوتهم ..ياراجل انت مش فاهم ان ده شغل فني يعني تركيز وفكر ..شغل فني بتركيز في ساعه احسن ماقعد طول اليوم ومانتجش ويافرحتي اسمي قاعد وخلاص .. ده شغل تركيز ودماغ مش تعتيق ومقاوله هاحاسب بالساعه يبقي لازم اقعد ال 8 ساعات ..لاياراجل ده اسمه كلام .. وانت محسسني ان كل القطاعات ملتزمه قوي ..ماكلهم في الحكومه والنظام هنا زي هناك ... وياراجل بالنسبه للتحصيلات انا تابعت المتحصلات لقيت انهم السبب في تحصيل كل ضرايب المشارع الاستثماريه ودي نسبه مش قليله ... بس بصراحه انا ماكنتش عارف انهم اللي بيعملوا كده او اسمهم ايه اصلا.. لازم نشوف موضوع المساواه اصلا لان كده فعلا ماينفعش ...وسمعت كمان انهم عايزين حصانه .. يعني ايه ده كمان ؟؟؟
م/ يبدا المستشار في الشرح ....
ياتي تليفون للسيد الوزير ويامر بفض الاجتماع مع المستشار علي ان يستكمله بعد عودته
وسيكون تكمله الحوار غدا ان شاء الله ... ومن يريد من الزملاء المشاركه في الحوار والرد علي السيد المستشار...... اوان يطرح افكار ورؤي اخري ليناقشها السيد الوزير مع مستشاره فليتفضل وفي انتظار حواركم حت يكون خير تدريب للقاء الوزير القادم في انتظار ردودكم ...مع خالص التحيه والشكر
الرجوع الى أعلى الصفحة اذهب الى الأسفل
http://malya.forumegypt.net
 
لقاء خاص ( لم يتم ) بقلم أستاذ أحمد حسام
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
(قَالَ اجْعَلْنِي عَلَى خَزَائِنِ اﻷَرْضِ إِنِّي حَفِيظٌ عَليِمٌ) :: استراحة القصص-
انتقل الى: