يوميات ( كحياني )

حصريا .. الجزء الثاني والمرتقب من حديث المحلل والخبير الاستراتيحي د / فزلكاوي ..
( ملخص ماسبق نشره : د/ فزلكاوي .. دكتوراه في ( الرغي ) وهو مثال لكل الكلامنجيه الذين يصدعوننا في الفضائيات وعلي الصفحات والروابط وليس لهم هدف سوي النقد للنقد فقط وكتر الكلام وخلاص .. وتم محاوره سيادته لعل وعسي ان يفهم اننا نريد حلوللا عمليه وليس كلاما لميء الوقت ) وكلنا امل ان ننجح في ذلك ونستفيد بجعله حوار هادف ....
= بنرحب بحضرتك يادكتور في الجزء التاني من حلقتنا ..
= مرحب بيك ياسيدي ... ولو ان الترحيب كان عاوز كلمتين اكتر من كده شويه
= نحب نعرف راي سيادتك في التغيير الوزاري عامه وبالتطبيق خاصه علي وزاره الماليه
= طبعا التغيير سنه الحياه .. بس لما يكون ليه سبب ..اما كده كل شهرين تلاته اعمل حركه واغير علشان ارضي جماعه واقول ان انا في صفهم .. انا من رايي انه هيؤثر سلبيا علي الاوضاع والمحللين الذين يتابعون احوال البلد خارجيا هيفسروه بصوره هاتأثر علينا .. والكلام ينطبق علي وزير الماليه .. وكنا بنسأل هوة ليه اتغير ؟؟ واخطأفي ايه ؟؟ فلم نجد اجابه سوي ان التغيير للتغير فقط ..
= نفهم من كده ان سيادتك معترض علي تغيير وزير الماليه ..
= انا معترض علي عدم وجود اسباب مقنعه تم عرضها تم بسببها تغيير وزير الماليه .. ده خبره وكفاءه والتاني خبره وكفاءه .. هل تم طلب شيء من الوزير الحالي وكان سبب لوجوده لم يكن يستطيع السابق اداؤه ؟؟ ولماذا لم يتم الافصاح عن ذللك في وضوح وشفافيه؟؟ مع العلم ايضا ان الظروف التي سيعمل فيها الوزير الحالي هي نفسها التي كان يعمل فيها الوزير السابق ؟؟ يعني كنا هنلتمس العذر لو الظروف اتغيرت .انما هيه هيه..
=يعني سيادتك شايف ان العمليه تغيير ( وشوش ) وخلاص
= ده من رأيي ..ولكن ربما يكون ذللك بحنكه من متخذ القرار وهو انه يامل في انه بتغيير الوشوش سيؤدي ذلك الي تغيير السيستم ...و
= عفوا سيادتك ... السيستم دي نظريه جديده
= ياسيدي نظريه ايه.. سيستم يعني نظام ( مابتعرفش انجليزي ولا ايه ) .. علي العموم ماعلينا ..كنا بنقول اننا نأ مل في ان نحقق نظريه ( تأثير الوش علي السيستم )
= في بلاد طبقتها ممكن نحذو حذوها ..
= اليابان هي اساس هذه النظريه .. الوشوش كلها شبه بعضيها بس الساساتيم مختلفه كل واحد ابتكار شكل .. واختراع شكل .. اما احنا ( الوشوش مختلفه ) بس السيستم هوه هوه ..لو 100 تغيير و100 سنه مش هايتغير ابدا ..والفرق واضح طبعا .. وعلشان كده انا شايف ان هذه النظريه من المستحيل تطبيقها وماكانش ليه لازمه تغيير الوشوش ايضا
=رأي سيادتك في عمر الوزير الجديد
= الوزير عنده 75 سنه ودي احد الاسباب اللي خليتنا نشك في التغيير .. منين يقولو ان التغيير استجابه لمطالب شباب الثوره بتعيين الشباب في المناصب الوزاريه ويتم تعيين وزير 75 سنه .. وبعد ذللك يقولوا ان شباب الثوره هوه اللي رشح الوزير ..يعني نفهم من كده ان الشاب في عين شباب الثوره يكون عنده 75 سنه .. ماحدش فاهم حاجه !!!!
=هل سن الوزير 75 سنه ميزه ام عيب في راي سيادتك
= ده يرجع للوزير ..لو فعد يفكر وهوه في الوزاره في ايام شبابه والخير الي كان فيها ممكن تكون ميزه بس مش هايعرف يطبقها لان كان ايامها الصاغ والتعريفه فهايحيب منيين العلات الصعبه دي دلوقي
=الكل اخد سن الوزير من الناحيه السلبيه وتجاهلوا الناحيه الايجابيه وهي ان الوزير بعد هذه السنين اصبح جبل خبرات ... مش ده ممكن يكون افاده اكبرللبلد هذه الخبرات ..
= يافندم لااعتقد ذلك ( انت لحقت تنسي نظريه السيستم ) .. مهما كان الرجل لديه خبرات ويكون عامل البدع في بلاد بره .. اول ماييجي هنا تقوله فين ياعم الخبرات ..ماتطبقلنا حاجه .. تلاقي الحجه جاهزه ..انا حاولت بس السيستم هنا مختلف عن هناك .. واختلاف الفكر التطوري لدي هذا الشعب يختلف عن ذاك ويقعد يلف ويدور ولانطبق خبرات ولايحزنون
=رأي سيادتك في جمع الوزير بين منصب نائب رئيس الوزراء ووزير الماليه
= بصراحه وبدون زعل .. لايخرج الامر عن 3 افتراضات ..الاول ( ان منصب نائب رئيس الوزراء منصب بكش ومنظره ومالوش لازمه ) ..الثاني ( ان وزاره الماليه في نظر متخذ القرار وزاره علي قدها اخرها انها تتاخد فوق البيعه بجانب المنصب السابق ) .. الثالث ( ان متخذ القرار لاهو عارف اهميه ده ولااهميه دي ) واهي كلها مناصب وخلاص علشان تتحط قبل كلمه سابق في السي في وخلاص ..
= الحل اللي سيادتك شايفه لمشكله الجمع بين المنصبين
= انا من رايي ان يتوجه مجموعه من كل رابطه علي مستوي الجمهوريه وتقابل وزير الماليه وتوضح بصوره مباشره طبيعه عمل القطاع الخاص بيها علي ان يصدر تفويض من وزير الماليه لرئيس كل قطاع باداره قطاعه دون الرجوع للوزير مادام سيكون هوه مسؤلا عن الوزارات التي تتبع منصبه الثاني وعلي ان يتم تقييم التجربه شهريا بانتظام بسماع جميع الاطراف ( بالعربي كده كل رئيس قطاع يبقي وزير ماليه قطاعه ) لو سيادته مش هايبق فاضي
= في نهايه حديثنا بنشكر سيادتك ..وعاوزين كلمه اخيره من سيادتك
= هوه قول مأثور ( علشان عيشتك تبقي تمام .. خلي حياتك كلام في كلام ) ...بس انا كان ليا استفسار عند سيادتك .
= اتفضل يادكتور ..
= طب ( رابطه ) وعرفناها ... يعني ايه( المديريات الماليه ) ؟؟؟؟؟؟؟؟؟

=!!!!!!!!!!!!!!!!!