(قَالَ اجْعَلْنِي عَلَى خَزَائِنِ اﻷَرْضِ إِنِّي حَفِيظٌ عَليِمٌ)
أعضائنا الكرام ...
أهلا بكم في منتدى ممثلي وزارة المالية بمصر ، إذا كانت هذه أول زيارة لك فيمكنك التسجيل بالمنتدى وبعد التسجيل يمكنك اﻻستفادة وكتابة الموضوعات أو الرد عليها وتنزيل القوانين والكتب الدورية والملفات
نحن نحتاجك كعضو مشارك أكثر من كونك عضو مسجل!

(قَالَ اجْعَلْنِي عَلَى خَزَائِنِ اﻷَرْضِ إِنِّي حَفِيظٌ عَليِمٌ)

منتدى ممثلــــــــي وزارة المالية بمصــــــــــــــــــــــــــــــــــــــــر
 
الرئيسيةمكتبة الصوراليوميةبحـثالتسجيلدخول
رجاء من الزملاء الافاضل عند مطالعة موضوع اضافة رد فيستفيد منه الزملاء وحتى ننهض بعملنا وبمصر
احصل على القانون 89 ولائحته التنفيذية و127 ولائحته التنفيذية ،الكتب الدورية واهم الفتاوى القانونية والتعديلات على اللائحة المالية
موضوعات جديدة بباب رصــــــــــــد ( الباب بأسفل المنتدى )
تحية من القلب لكل جهد مخلص يسعى لمصلحة مصر
لصفحة المنتدى هذه منتدى مواز على الفيس بوك بعنوان http://www.facebook.com/groups/anamaly?ap=1
موقع وزارة المالية على العنوان التالي www.mof.gov.eg
مرحبا بك في منتدى ممثلي وزارة المالية المنتدى الأول الذي يهتم بكل ما يتعلق بممثلي وزارة المالية المصرية
Smileكل عـــــــــــــــــــــــــــــــــــــــام أنتم بخير Smile
مسلسل ضرب وإهانة ممثلي المالية وتحطيم سياراتهم وممتلكاتهم بسبب قرارات الـ 200 % ما زال مستمرا !
مرحبا
كنا في البدء منعزلين ، يغرد كل على حده ، أما الآن فنحن وحدة واحدة ، مالية متحدة للأبد ودائما للأمام
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

شاطر | 
 

 يوميات كحياني

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ahmed hassan



عدد المساهمات : 28
تاريخ التسجيل : 11/08/2011

مُساهمةموضوع: يوميات كحياني   الإثنين أغسطس 22, 2011 3:31 pm

يوميات ( كحياني )
************
كحياني يطلب مقابله الوزير لاطلاعه علي ترتيبات المؤتمر الصحفي الذي طالبه الوزير بعقده لبيان وشرح كل ظروف وملابسات سقوطه امام مبني الوزاره والذي ترتب عليه اشاعات واخبار كاذبه المطلوب نفيها وبيان الحقيقه ولذلك كان الاعداد للمؤتمر ...
كحياني يدخل علي الوزير في مكتبه ..ويبدأ الحديث
=سلامو عليكو ياباشا.. كله تمام ..وكله تحت السيطره ..الخطه والاجراءات والترتيبات ..
=وعليكم السلام ياسيدي..علي الله تكون عامل حاجه كويسه وماتوقعناش في مشاكل تاني ..وتبقي فلحت في حاجه تعوض فضيحتك دي
= ماتقلقش ياباشا ..كله هايتعرض علي سيادتك ..ورأي سيادتك هوه اللي هايكون ..
=حجزت مكان المؤتمر في فندق كويس كده وحاجه تشرف ..ده مؤتمر عالمي ياكحيان
=فندق ايه ياباشا ..مكان المؤتمر قدام الوزاره ..في الشارع ..مطرح ماوقعت واترميت الرميه المهببه سبب المشاكل والفضايح دي كلها..علشان مبدأ الشفافيه والواقعيه في تناول الحدث ...ويبقي النقل من الموقع الفعلي للحدث
= يانهارك اسود..في الشارع ..وهايقعدوا فين ان شاء الله ..هاتفرشلهم حصر ..ولا هاتنصبلهم خيمه ..انا قلت انت ماتنفعش في حاجه خالص ..
=حلمك عليا ياباشا ..وانا يرضيني ..ده خطه وسيستم ...وافخم فراشه في البلد هي اللي رسي عليها الصوان ومشتملاته من كراسي واضاءه وووو..
= برضه هاتقولي صوان ..اتأخرت لما طلبناك قلت كنت في الصوان بتاع المائده..دلوقتي المؤتمر الصحفي صوان ..يابني انت شغال في المديريه الماليه مش الحانوتيه ..والمؤتمر في الشارع مش هايتعارض مع الاوضاع الامنيه..وهايستلزم تأمين اكتر عنه اما يكون في مكان مقفول ومحدود..
=بالعكس ياباشا ..لو اتعمل في مكان مقفول هايقولوا داحنا مرتبين الناس ومأجرينهم ومحفظينهم ..انما لما يكون في الشارع ..شوف بقي المصداقيه والواقعيه والشفافيه وهي دي روح ومنجزات الثوره ..
=اما نشوف اخرتها ..وايه لازمته انه يتعمل قدام الوزاره ..احنا ناقصين تحصل حاجه ولاجماعه ولاصحفي يعملوا منظر ..يبقي تيجلنا قضيحه واحنا بنعالج فضيحه ..
= بالعكس ياباشا ..احنا قدام الوزاره يبقي بندي اهميه للبعد الاستراتيجي في اهميه الموقع وتأثيره علي اظهار حقيقه الحدث..
=الله واكبر ..ايه الفزلكه دي ياكحياني..
= تلميذك ياباشا..وبعدين بقي عاوزين الناس تنسي التحرير شويه ..والدنيا كلها اما تنقل من قدام الابراج شوف بقي سيادتك هاتبقي هاتبقي ابراج الثوره الماليه ..وهاتبقي ياباشا اول وزير ماليه عمل شهره عالميه لابراج الوزاره التلاته ..شوفت سيادتك سيسيم البعد الاستراتيجي للمكان ..ومبروك التصييت مقدما ياباشا
=يعني نطمن ياكحياني ..مافيش حاجه ناقصه
=باقي الحاجه اللي من جهتي انا ظبطها وكله في السليم ..اتفقت مع دكانه سليم الترزي وهايأجرلي جوز بدل فخامه بجزمهم ولوازمهم...والاسطي مرسي الحلاق هايظبطني قبل المؤتمر بساعه شعر ودقن لزوم النيولوك..وسيادتك تأمر بكام عربيه من عربيات المستشارين يكونوا في الدخله وهما جايبيبني من الحاره لحد هنا لزوم التصوير والذي منه ...ويبقي باقي اللي علي سيادتك وهوه ده الاهم ..
=ايه ده كمان ..هاجيبلك تلاته يشيلوك ويقعدوك علي الكرسي ..جري ايه ياكحياني فيه ايه تاني بعد ده كله خلصني ..انت صدعتني ..
=باقي ياباشا الاستفاده من المؤتمر ماديا ..وهوه ان سيادتك تتفق وتعمل مناقصه ( لحقوق البث ) ..ويبقي كله ( اكسوكلوسيف ) ياباشا .. حصري يعني ..شايف ياباشا افكار رجالتك في القطاع ..في عز الازمات همهم المال العام والاستفاده وتحصيل ايرادات للدوله ..مش زي ناس تانيه يجيلها الايراد لحد عندها وياخدوا عليه مكافأت كمان ..اهوه مثال عملي قدامك ياباشا علشان تعرف مين بيفكر ويحصل ويجيب الايراد ومين بيتكافيء عليه ..حسبنا الله ونعم الوكيل ..وهوه ده قطاع حسابات الحكومه ( من عز الازمات تولد الايرادات ) ..ايه رأيك بقي ياباشا..
= والله ياكحياني اول مره تقول حاجه مفيده ..ولو اني مش فاهم ولا كلمه من الكلام الاخير اللي انت قلته او انت تقصد مين ..لكن ماعلينا مش مجاله دلوقتي ..وياتري في حد في دماغك ممكن ياخد حقوق البث
=ايوه ياباشا ..( كحيانكو ..تي في ) ...
=ايه ده ..العيله عندكو عامله قناه ولاايه ؟؟
= قناه ايه ياباشا ..احنا لاقيين ناكل ..ده الشعار اللي هايتحط علي الشاشه طول مده البث ..واهو ينولني من الحب جانب ..وتبقي فرصه لكحيون ابني ان نفيسته تتعدل لما يشوف اسم ابوه ومثله الاعلي شعار كده وايامهه..ويبقي كله استفاد ..الوزاره والابراج وسيادتك وعيله كحيان ..خلاص كده ياباشا اطمنت وكله في السليم ..نتفق مع الكل ونخلص ..
=علي خيره الله ياكحياني ..وربنا يستر
=يفتحها في وشك ..ويجعله عامر ان شاء الله
****************************
الاستعدادات علي قدم وساق لتنفيذ كل مااتفق عليه كحياني والوزير...وغدا بث وقائع المؤتمر الصحفي العالمي ..والذي ينقل علي الهواء مباشره وحصريا تحت شعار ( كحيانكو..تي في ) ...انتظرونا...
17 أغسطس، الساعة 04:31 صباحاً‏ · أعجبني · · إلغاء الاشتراك
الرجوع الى أعلى الصفحة اذهب الى الأسفل
 
يوميات كحياني
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
(قَالَ اجْعَلْنِي عَلَى خَزَائِنِ اﻷَرْضِ إِنِّي حَفِيظٌ عَليِمٌ) :: يوميات ممثلي مالية-
انتقل الى: