(قَالَ اجْعَلْنِي عَلَى خَزَائِنِ اﻷَرْضِ إِنِّي حَفِيظٌ عَليِمٌ)
أعضائنا الكرام ...
أهلا بكم في منتدى ممثلي وزارة المالية بمصر ، إذا كانت هذه أول زيارة لك فيمكنك التسجيل بالمنتدى وبعد التسجيل يمكنك اﻻستفادة وكتابة الموضوعات أو الرد عليها وتنزيل القوانين والكتب الدورية والملفات
نحن نحتاجك كعضو مشارك أكثر من كونك عضو مسجل!

(قَالَ اجْعَلْنِي عَلَى خَزَائِنِ اﻷَرْضِ إِنِّي حَفِيظٌ عَليِمٌ)

منتدى ممثلــــــــي وزارة المالية بمصــــــــــــــــــــــــــــــــــــــــر
 
الرئيسيةمكتبة الصوراليوميةبحـثالتسجيلدخول
رجاء من الزملاء الافاضل عند مطالعة موضوع اضافة رد فيستفيد منه الزملاء وحتى ننهض بعملنا وبمصر
احصل على القانون 89 ولائحته التنفيذية و127 ولائحته التنفيذية ،الكتب الدورية واهم الفتاوى القانونية والتعديلات على اللائحة المالية
موضوعات جديدة بباب رصــــــــــــد ( الباب بأسفل المنتدى )
تحية من القلب لكل جهد مخلص يسعى لمصلحة مصر
لصفحة المنتدى هذه منتدى مواز على الفيس بوك بعنوان http://www.facebook.com/groups/anamaly?ap=1
موقع وزارة المالية على العنوان التالي www.mof.gov.eg
مرحبا بك في منتدى ممثلي وزارة المالية المنتدى الأول الذي يهتم بكل ما يتعلق بممثلي وزارة المالية المصرية
Smileكل عـــــــــــــــــــــــــــــــــــــــام أنتم بخير Smile
مسلسل ضرب وإهانة ممثلي المالية وتحطيم سياراتهم وممتلكاتهم بسبب قرارات الـ 200 % ما زال مستمرا !
مرحبا
كنا في البدء منعزلين ، يغرد كل على حده ، أما الآن فنحن وحدة واحدة ، مالية متحدة للأبد ودائما للأمام
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

شاطر | 
 

 يوميات كحياني

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ahmed hassan



عدد المساهمات : 28
تاريخ التسجيل : 11/08/2011

مُساهمةموضوع: يوميات كحياني   الإثنين أغسطس 22, 2011 3:33 pm

يوميات كحياني
**********
حصريا و ( اكسوكلوسيف ) ننقل لكم كواليس وقائع المؤتمر الصحفي العالمي الذي تنظمه وزارره الماليه المصريه لايضاح وتوضيح ماحدث من سوء فهم نتيجه حدث عارض لاحد افراد قطاع من قطاعات الوزاره حيث سقط مغشيا عليه نتيجه ظروف مرضيه ومتأثرا بالصيام مما فتح الباب امام الحاقدين والشامتين ومروجي الاشاعات الذين استغلوا هذا الحدث العارض في ترديد اكاذيب كان من الضروري تفنيدها وتوضيحها ..ولذلك كان هذا المؤتمر ..
المؤتمر حصريا علي ..( كحيانكو...تي في ) شانيل .....
*********************************
كحياني في طريقه الي مكتب الوزير للاتفاق علي الترتيبات النهائيه وتوزيع الادوار وكيفيبه اداره المؤتمر حيث سيصحبه الوزير معه في سيارته ويدخلون المؤتمر معا..كحياني يدخل علي الوزير ..ويبدأ الوزير الكلام..
= ايه ياكحياني ..كله تمام ..ومظبط امورك ..بس ايه اللي انت عامله ده تصدق انا ماعرفتكش..
= نيولوك ياباشا لزوم القعده والتصوير ..ده شغل عالمي ولازم نشرف سيادتك ..بدله ايامه من الاسطي حسين الترزي ايجار يوم كامل بلوازمها ..والمعلم زينهم الحلاق عاملي زي ماسيادتك شايف قصه شعر ولا نجوم السيما ...والامور تمام وكله بحسك ياباشا ..
=ومنين ده كله ياكحياني ..البدله والقصه..
= كله ( ديون ومطلوبات ) واللي خلقك..وكله عشان خاطر مصر وسيادتك..
=طب المهم انت جايب الثقه دي منين في مواجهه الناس دي كلها ..اللي اعرفه انك عمرك ماكلمت في قعده ..وانا قلقان وخايف من كده ..
=معذور ياباشا ..طول عمرنا ماحدش واثق فينا ولاعارف امكانياتنا ..علشان ماحدش بيقولكوا مين هما حسابات الحكومه ورجاله قطاع حسابات الحكومه. وعلي العموم ياباشا مش وقته ولامجاله دلوقتي ..خلينا في المهم ..
=ايوه..الله يصلح حالك ..مش وقت محاضرات ..نخلص بس من القصه دي وبعدها اسمعلك ويحلها حلال ..واهوه قعدت تتغالب وماطمنتيش ..انت جايب الثقه دي كلها منين
=رجالتك ياباشا مايخشوش اي موضوع الا بعد دراسته وتفحيصه وبدي العيش لخبازه ...
= الله يخرب بيتك ..برضه دماغك في الاكل والعيش ..اخلص ولخص ..
= ياباشا ده مؤتمر كله كلام ولت وعجن ورغي ..فكان لازم استشاره المتخصصين في هذا المجال وهو ه الدكتور / فزلكاوي ...
=نعم ياخويا ... فزلكاوي ..ده ايه ده كمان ..هيه ناقصاك لما هاتقولي فزلكاوي ده كمان..
=برضه معذور ياباشا ..فزلكاوي هوه اللي حطلي قواعد الاجابات علي الاسئله المتوقعه ..وفطمني علي نوايا اللي هايسئلوا ..دول كلهم خبسا وهمهم اسئله تولع وتستفز وخلاص ولاهمهم مصلحه ولايحزنون ..فالجزاء من جنس العمل ...
= ياعيني ياعيني ..ده الفزلكه وضحت عليك من اولها ..وايه القواعد دي علشان اكون معاك في الصوره...
=( الاجابات الغيبيه ) ( الاجابات الدائريه ) ( نظريه هذه وتلك ) ...دي بقي ياباشا اسس التعامل مع الاشكال دي اللي همها الكدب والاشاعات والاخبار اللي تدمرنا وخلاص ..وزي ماهما بيستعبطوا ويستهبلوا ويحرجونا بالاسئله المستفزه..هايكون كحياني جاهز والد هايكون كذلك ..هما هايلفوا علي مين ياباشا ..ده احنا المصريين ..الاجابات الغيبيه انا اجاوب علي السؤال اكني ماسمعتوش ..بالعربي اجابه ملهاش علاقه بالموضوع ..والدائريه اجاوب من غير فايده وارجعه للسؤال تاني ..هذه وتلك وسط بين النظريتين اللي فاتوا ..ايه رأيك كله بالعلم ياباشا..
= علي العموم ربنا يستر ..توكلنا علي الله ..ياللا علي العربيه.. المؤتمر هايبدأ
كحياني يصل هو والوزير الي الصوان الذي به منصه المؤتمر ..ويصعد هو والوزير ويأخذوا اماكنهم ..ويفتتح الوزير المؤتمر...
=السيدات والساده ..بسم الله نفتتح هذا المؤتمر ..( ويبدأ الوزير في شرح الموضوع بالكامل وماحدث من سوء فهم وقام بتوضيح الحقيقه كامله ) وترك المجال للاسئله والحوار مع صاحب الشأن كحياني ....
=مسيو كهياني .. كهياني ده اسم ..ولا صفه نتيجه اوضاعك المتدهوره في القطاع..
= ( اه ياكلب بتقومني علي القطاع ..ال يعني انا صعبان عليك ..مايعرفش اننا مانكلش في بعض قدام الغريب ..وطول عمرنا وهانفضل ملمومين ومشاكلنا بينا .وعمرنا ماهنفرح فينا حد ...انت لازم تاخد اجابه دائريه ) ..هكذا حدث كحياني نفسه استعدادا وتجهيزا للاجابه كما نصحه فزلكاوي ..وبدأ الاجابه..
بخصوص هذا الاسم وهو عدم تداخله في الصفه ..لعدم شمول الاسماء والصفات معني الكحيانيه حيث ان هذا المدلول منبثق من افعال الذات وليس الصفات ..وهذا وبالله التوفيق
=مستر كحياني ..قرار موائد الرحمن كان تمن شراء سكوتك علي اللي حصل معاك وعدم قولك الحقيقه
= واضح ان سيادتك مش معانا لان سبب المشكله كان فرحتي وطول انتظاري للقرار ..يعني ده كان قبل ده والاتنين دول كانوا قبل الحدث دوكهه فلامجال لتداخل دوكه مع ده ودول ..والله الموفق
=الشيخ كحياني ..لاداعي للتغطيه اكتر من كذلك ..كلنا عرفنا واتاكدنا ان موائد الرحمن الاسم الحركي لقواعد الرحمن اللي هيا منبثقه من تنظيم القاعده ..الم تتلقي اي اتصال من التظيم للوقوف معك ودعمك امام تعنت السلطات المصريه
=( اه ياولاد الكلب ..موائد الرحمن ..بقت قواعد ..ده استهبال رسمي ) لازمله الاجابه الغيبيه .....
فعلا في هذه المرحله كان يجب التكاتف في وجه العدو الصهيوني الذي مازال يعربد في غزه والقطاع ولكنه الخرس الدولي تجاه اولاد الخازير ولكننا في وجههم ولن نسمح لهم بهذا الدور ..والله الموفق
الوزير يميل علي كحياني ويقول له ..كفايه كده ياكحياني ..وربنا ستر.. قفل بقي وقول السؤال الاخير.. وهنا يصيح الوزير ..ده اخر سؤال من فضلكم علشان وقتنا ..
=مسيو كحياني ..هل ماحدث لك وكان سبب هذه الفضيحه نعتبره بدايه لحدوث مجاعه في القطر المصري باعتبار ان ماحدث للك كان لعدم اكلك تلاته ايام لعدم وجود غذاء
=موتوا بغيظكم ..عمر ماحد في مصر مات من الجوع ..وعمر ماهيجلنا مجاعه بفضل ربنا لانه جل جلاله هو القائل ( ادخلوا مصر ان شاء الله امنين ) ( اهبطوا مصرفان لكم ماسألتم ) صدق الله العظيم والله الموفق والسلام عليكم ورحمه الله ..
يقوم كحياني والوزير ويتعانقوا امام الجميع وينتهي المؤتمر ..وينتهزها كحياني فرصه ويهمس في اذن الوزير ..انا جاي لسيادتك بكره ان شاء الله اخد قرار شهرين العيد والمدارس ...الوزير يصرخ ويبعد كحياني ويقول له ..ابوس ايدك انا هابعتلك القرارلحد عندك ..لاتيجي ولاتستني ..المره الاولانيه استنيت قرار الموائد اغمي عليك ..المره دي عاوز تموت ..مش ناقصيين فضايح اكتر من كده ...
**************************
شكرا للمتابعه ..وانتظرونا في يوميات اخري ..ان شاء الله
الرجوع الى أعلى الصفحة اذهب الى الأسفل
 
يوميات كحياني
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
(قَالَ اجْعَلْنِي عَلَى خَزَائِنِ اﻷَرْضِ إِنِّي حَفِيظٌ عَليِمٌ) :: يوميات ممثلي مالية-
انتقل الى: