(قَالَ اجْعَلْنِي عَلَى خَزَائِنِ اﻷَرْضِ إِنِّي حَفِيظٌ عَليِمٌ)
أعضائنا الكرام ...
أهلا بكم في منتدى ممثلي وزارة المالية بمصر ، إذا كانت هذه أول زيارة لك فيمكنك التسجيل بالمنتدى وبعد التسجيل يمكنك اﻻستفادة وكتابة الموضوعات أو الرد عليها وتنزيل القوانين والكتب الدورية والملفات
نحن نحتاجك كعضو مشارك أكثر من كونك عضو مسجل!

(قَالَ اجْعَلْنِي عَلَى خَزَائِنِ اﻷَرْضِ إِنِّي حَفِيظٌ عَليِمٌ)

منتدى ممثلــــــــي وزارة المالية بمصــــــــــــــــــــــــــــــــــــــــر
 
الرئيسيةمكتبة الصوراليوميةبحـثالتسجيلدخول
رجاء من الزملاء الافاضل عند مطالعة موضوع اضافة رد فيستفيد منه الزملاء وحتى ننهض بعملنا وبمصر
احصل على القانون 89 ولائحته التنفيذية و127 ولائحته التنفيذية ،الكتب الدورية واهم الفتاوى القانونية والتعديلات على اللائحة المالية
موضوعات جديدة بباب رصــــــــــــد ( الباب بأسفل المنتدى )
تحية من القلب لكل جهد مخلص يسعى لمصلحة مصر
لصفحة المنتدى هذه منتدى مواز على الفيس بوك بعنوان http://www.facebook.com/groups/anamaly?ap=1
موقع وزارة المالية على العنوان التالي www.mof.gov.eg
مرحبا بك في منتدى ممثلي وزارة المالية المنتدى الأول الذي يهتم بكل ما يتعلق بممثلي وزارة المالية المصرية
Smileكل عـــــــــــــــــــــــــــــــــــــــام أنتم بخير Smile
مسلسل ضرب وإهانة ممثلي المالية وتحطيم سياراتهم وممتلكاتهم بسبب قرارات الـ 200 % ما زال مستمرا !
مرحبا
كنا في البدء منعزلين ، يغرد كل على حده ، أما الآن فنحن وحدة واحدة ، مالية متحدة للأبد ودائما للأمام
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

شاطر | 
 

 يوميات كحياني

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ahmed hassan



عدد المساهمات : 28
تاريخ التسجيل : 11/08/2011

مُساهمةموضوع: يوميات كحياني   الأحد سبتمبر 11, 2011 4:11 am

يوميات كحياني
*********
ملخص ماسبق :: كحياني يقابل وزير الماليه بالصدفه اثناء تقديم واجب العزاء في وفاه والد الاستاذ/ ممتاز السعيد ...ويعرض الوزير علي كحياني ان يقوم بتوصيله لمنزله كواجب باعتبار ان كحياني كان واقف مستني مواصلات ومامعهوش عربيه ..وقي اثناء الطريق وكعاده وشهامه ابناء القطاع عرض كحياني علي الوزير ان يشرفه بالزياره في منزله المتواضع ( لانه عيب ان يأتي معه كضيف ولايقوم بواجب معاه ) .....ووافق الوزير ...
ــــــــــــــــــــــــــــــــــــــــــــــــــــــــــــــــــــــــــــ
سياره الوزير علي مشارف حاره الكحيانيين موطن ومسقط رأس كحياني ..وكحياني بجوار السائق ..وما ان شاهد اهل ورجاله الحاره سياره الوزير الفخمه وكحياني بها والوزير بفخامته وشياكته ورائهم ..الا وبدأت الهمهمات كالعاده.....
= الله ..الله..ايه اللي عامله ابو كحيون ده ..وايه العربيه اللي راكبها دي ومين الجدع الكباره اللي معاه ده
=ياعم ده شكله الكبير بتاعهم ..اللي هوه ماسك الحزب اللي كحياني الزعيم بتاعه ..
= هانبتدي التخريف بقي ..هوه كحياني زعيم حزب ولانيله ..ده شويه مقاطيع زملاته في شغلانتهم دي اللي مابتأكلش عيش ..وكحيانيين زيه ..عملوه الزعيم بتاعهم ..الراجل ده اكيد بتاع الجهاز اللي جه فتش علي كحياني علي ترابزات رمضان ..الموائد اللي كان عاملها للمقاطيع دول ..واكيد واقع يسييها في مصيبه وجاي يحلها معاه
= وبتوع الازاز مالهم ياعم .....
= ازاز !!!! ..بأقولك الجهاز ..افهموا بقي
= ياعم انتوا هاتألفوا ..جهاز ايه ..وحزب ايه ..ده واحد من المرشحين للرئاسه ..وعاوز يدرس العشوائيات واللي ساكنيين فيها ..وناوي يخلي كحياني ( وزير العشوائيات )
= والنبي فيه حاجه اسمها وزير العشوائيات ...اكتم انت وهوه ..اهوه ابنه كحيون جاي ونسأله ....
ويأتي كحيون ( وهو ابن الاكبر لكحياني ) ويبلغ رجاله الحاره بالوضع وان سياده الوزير سيكون في ضيافه ابوه والحاره علي كوبايه شاي ...ولحين ان يجلس الوزير ويتعرف علي رجاله الحاره ..انطلق كحيون الي المنزل ليبلغ امه وتوضب البيت ...ودخل كحيون البيت وبدأ الحديث مع امه ....
= يالله ياما بسرعه ..شيلي الهدوم والكركبه دي ..ووضبي البيت ..ابويا جاي معاه ضيف من الكبار وهايتعشي معانا ..
= ضيف ايه ..وخيبه ايه ..الله يحرقك انت وابوك ..وده وقته ..وبسلامته ده مش شايف المكان ..ده مكان ييجي يضايف قيه ..ولايشرب ميه حتي فيه ..
= ليه ياما كده ..واحنا شويه ولاايه ..ده ابويا زعيم القطاع كله ..والمتكلم الرسمي بأسمهم
= نيله انت وهوه ..عليك وعلي القطاع اللي هاوسنا بيه ..اللي ماشوفناش من وراه الا الفضايح ووجع القلب ..ده هما وابوك ماكانوش لاقيين ياكلوا في رمضان ..وراحوا شحتو واتفضحوا علشان يفطروا ...رايح ابوك يجيبلنا واحد منهم يطفح هنا ...
= جري ايه ياما ..وانتي هاتدبحي يعني ..ده هيا كوبايه شاي وساندوتيشين ..وكان الله يالسر عليما ..اسيبك انا ..ووضبي البيت ..وانا هاروح اجهز للسندوتشات ...
وينطلق كحيون مستغلا الموقف في المنظره علي شباب الحاره وذهب الي البقال ( مع ملاحظه ان الاحاديث كلها بصوت مرتفع ) زياده في المنظره وحتي يعلم الجميع ...
= ب 5 جنيه عيش فينو ياعم عدوي ..وبسرعه علشان نلحق نعشي الضيف
= ايه !!! عيش فينو ..وب 5 جنيه .. ابوك قبض الدفعه ولاايه !!!
=لاياعم عدوي ..ده الوزيربس هايتعشي مع ابويا ..وقلنا نوجب مع الراجل ...
= .....ياعم عبده ب 3 جنيه طعميه و ب 2 جنيه فول بالدقه وروقهم ..الوزير اصل هايكل سندويتشين مع ابويا ..الوزير هه ..سمعت ....
وذهب كحيون الي البيت ووضع العيش والفول والطعميه ....وما ان رأته امه الاقالت ...
= ايه ده ياكحيون ..الله يخرب بيتك ..ب 10 جنيه فول وطعميه وعيش ..علشان نعمل سندويتشين ..الله يخرب بيتك ياكحياني انت والمقاطيع اللي متصاحب عليهم ..وكمان جايبهم يطفحوا هنا ...
= خلاص ياما ..انتي عايزه الراجل يقول علينا بخلا ولا ايه ..
= لا ازاي ..مانت بتحب الفشخره والمنظره ..نخسر 10 جنيه ..بس مايقولش بخلا ..غور من وشي
ويذهب كحيون مسرعا الي ابوه وقعدته مع رجاله الحاره علي قهوه الكحيانيين ..ويأتي بجانب ابوه .. ويقول كحياني ...
= ايه ياله ياكحيون ..بلغت امك وظبطت العشا والشاي ..وقلتلها تروق البيت
= كله تمام يابا ..وكله تحت السيطره ..عيش فينو ..وطعميه ..وفول بالدقه ..وارزعهولك كوبايه شاي علي الكانون يحبس بيها ..ومن بكره يعينك مستشار ليه
= برضه جايب للراجل فول وطعميه ..مافيش حته جبنه بيضا ..ولابيضايه نقسيها ..او اي حاجه من الحاجات اللي عند عمك عدوي دي..
= ايه ..وحاجات ايه
= الحاجات اللي بيحطها في طباق دي ياحمار ..لامشون ..وكلمنك ..وروبي
= يابا انت كنت عاوز امي تموت ..ده العيش الفينو جابلها انهيار عصبي ..وكرهت الدنيا والزياره بسببهم ..تقوللي الحاجات الا انت قلتها دي
= يالله ..علي العموم ..الحمد لله ..وتقضي وربنا يسترها ..
ويبدأ كحياني في تعريف الوزير برجاله الحته ..في قعده شعبيه علي قهوه الكحيانيين ..يتوجه بعدها الوزير الي منزل كحياني ..لشرب الشاي ..والعشا..
ــــــــــــــــــــــــــــــــــــــــــــ
ونكمل غدا ان شاء الله مادار في حديث الوزير مع رجاله الحاره وزيارت لبيت كحياني ..انتظرونا..والدعوه عامه علي العشاء ( وكلكم عرفتوا العشا ..علشان ماحدش يقول كوراسوه ..ومش عارف ايه ) ..والخير كتير ..ويجعله عامر ان شاء الله ..
الرجوع الى أعلى الصفحة اذهب الى الأسفل
 
يوميات كحياني
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
(قَالَ اجْعَلْنِي عَلَى خَزَائِنِ اﻷَرْضِ إِنِّي حَفِيظٌ عَليِمٌ) :: يوميات ممثلي مالية-
انتقل الى: