حوار لم يتم :

موضوع: حوار لم يتم : الخميس فبراير 09, 2012 7:25 pm

حوار لم يتم :

قال لي صديقي : يا أخي الناس دي مش هتبطل بقى كل شوية عاوزين يطلعوا بحاجات تهد البلد وتضيعها .0..................
رددت مستغربا : ناس مين واي بلد تقصد ؟
رد بلغة أكثر استغربا : هو انت مش عايش معانا والا إيه الناس دول اللي كل
شوية عاوزين يعملوا اضراب واعتصام وخربوا بلدنا مصر ، يا عم اصحى بقى
وصححصح معايا !
فما كان مني الا أن اعتدلت في جلستي وقلت الموضوع ده فعلن عاوز حل ولكن احنا اتعودنا على الحلول الوسط
قال حل وسط في إيه ؟
قلت : عارف ان مصر لسه ما زالت بها اكثر من 94 ألف خبير ومستشار يكلفون الدولة شهريا أكثر من مليار و300 مليون جنيه !
وإن مصر بها دخول قد تصل الى أقل من 100 جنيه في الشهر يعيش عليها أصحابها
وبخاصة أصحاب معاش الضمان الاجتماعي برغم كبر سنهم واحتياجهم للعلاج
والرعاية بخلاف تدني الخدمات الصحية والتعليمية والاجتماعية وووووووو
قال يا عم ما الحكومة شغالة وبتعمل اللي عليها
قلت : فين الحكومة وإيه اللي اتحقق ؟ دا احنا نطلع من مصيبة نقع في كارثة
تخلص ازمة البنزين تشبك فيها أزمة الانابيب ووزير التضامن لم يتخذ
الاجراءات اللازمة لملاحقة التجار اصحاب السوق السوداء بحجة انعدام الامن
!ّ بخلاف القتلي من جراء الاحداث الاخيرة
وللاسف ما زالت كثير من
الوزارات يحكمها وزراء لا يصلحوا أن يورنشوا الاحذية على باب الوزارة ومنهم
وزير البترول ووزير المالية ووزير التضامن وغيرهم الكثير
فرد يعني انت مع الاضراب ولا العصيان اللي بيقولوا عليه ده ؟
قلت : أنا من داخلي لا أريد أن يقف الحال لكن دا لو كان الحال فعلن ماشي
لكن للاسف الحال من سيء لأسوأ ومازال كل شيء في مصر يسير بنفس الشكل السابق
لا تغيير دا حتى مجلس الشعب أصبح يغلب عليه نفس النبرة التي كان يعمل بها
المجلس السابق كل موضوع مهم يدخل لجنة وموت يا ........... وحلنى بقى لما
نشوف حل
لكن أنا من جوايا لازم يكون فيه أسلوب ضغط باستمرار لانه
للاسف مفيش حاجة بتتم إلا بالضغط لكن لو سبت الامور كده مش هيحصل حاجة في
البلد تدل على قيام ثورة
قال مندهشا : يعني أعمل إيه حيرتني ؟!

قلت له حاجة من اتنين ياإما تضغط مع اللي بيضغطوا وتاخد موقف حازم علشان
نخلص ويتعدل حال البلد ونشوف مصر بتدار صح وبإيد ولادها الحقيقين أصحاب
الضمير الفاعل
أو تعمل زي واحد صاحبنا قال لمراته أنا هاعتبر انا
وانتى زي اتنين صوماليين جايين مصر في سياحة ونسيب كل حاجة بتحصل فيها
ونقول مالناش دعوة خالص !
تحياتي