نداء لوزير المالية ورئيس القطاع

نداء من مندوبى وزارة المالية بمصر الحبيبة ............. للسيد الأستاذ الدكتور/ وزير المالية
والسيد الأستاذ / رئيس قطاع الحسابات والمديريات المالية
-----------------------------------
من بَعد التحية , لِسيادتك رسَالة , بنعرِض هُمومنا , مِن شَاهد عَيَان
فى أوِل ندائى , بقولك ياريس , أسَاس مُلك رَبى , عَدالة ومِيزَان
قِطاعْنا يا ريس , مُهمش مُسَيَس , ومِش م النهاردة , دا سَار له زَمَان
بنُطلب مَطالب , نبين مَسَالب , بندن فى مَالطة , م َنلقى بيَان
هَبين مَطَالب , لمندوب مَالية , لِكل الل ِحَا ضِر وكل الل ِغَايب , بِدون تُورجُمَان
بنطلب حِمَاية , بنطلب حَصَانة , عَشَان الرَقابة , ف وَجه الحِيتان
بنطلب زيَادة , لإضَافى ودُفعة , بَدَل نقدى ثَابت , وحضُور اللِجَان
وجهود غير عَادية , وتأمين عِلاجى , نِحس بكرامة , نِحس بأمَان
إستثنا بنرفُض , عشَان الكرامة , عشَان الرقابة , تكون باتزَان
صَناديق المَصَالح , مَ لِيها رقابة , بتصرِف مَبَالغ , لكل اللِ كَان
وعاملينها عِزبة , من غير أى لَزمة , تفصَل لوَايح , بتخرب كَيَان
وكل اللى عايزه , تروح الموَازنة , ونِصرف بحِكمة ,ونِلغى ال كان
وصَندوق تكَافُل , إتبدِد رَصِيده , ولو حَد عاقِل , هَيْجِيلُه الجِنَان
دا لازم نحَقق , ونرجَع ندقَق , ولازم مُواجهة , لِكُل الحِيتَان
*****
قِطاع الضَرَايب , يعَاير قِطاعنا , مَاهو اللى بَاين , فى الصورة عَيَان
ليه إحنا نِحصَل , وهو يوصَل , بيان للوزارة , بصوت للعَنان
ويصرف ويغرِف , يبعزَق مانعرَف , ولو حَد يفتِش , يروح اللومَان
مَا صُوتهم بيوصَل , لكل للوزارة , ريَسْته بتطلُب , زيادة كمَان
طَب فين العدَالة , فى صرف الحوَافز , ف صرف المُكافأة , ف كُل الل بَان
ونفضَل نحصَل , وهو يوصَل , وحَق الحبَايب , على الكُل هَان
هنفتح يا ريس , لصَفحة جِديدة , هنفضَل نقولَك , ما تِنسى ............... البيَان
*****
لامتى هَنصبُر, لامتى هَنصرُخ , مَفيش حَد يسأل , دا جَالنا الجِنان
وِحياتك ياريس , تقرب مَا تبعد , توحَد ولادْك , لذات المَكان
حسابات الحكومة , بتزعَق تِنادى , لا فى حَد يسْمَع , ولا يُصدُر بَيان
بنِنزل نعبَر, لا صُوتنا بيوصَل , يردوا عَلينا , دا فَات الآوان
هَنفضَل نِطَالب , ونزعَق ننادى , بصوت مِش هَيغْلَب , يهِدْ الطوفَان
وأقول للى صَامت , دا لازم تشارك , دا حَقك يا صَاحبى , متُبقاش جبَان
وأنبه خْوَاتى , دا ربى معَاكم , وحَتماً ناصِركُم , دا عَنده الميزَان
مِش فارقة ياريس , نِشرَق نِغرَب , نِقرَب ونِبعِد , دا كُله سِيَان
هَنفضَل نِجيلَك , مَ تزعَل ياريس , لا يُمكِن هنُسكُت , دَا طَبع الشِيطان
وكُل الحِكاية , لازمْنا العدالة , م َهيا هَدَفنا , مَ نِرضى الهَوان
دا ثورة ينَاير, هَدَفها العدَالة , ولو مِش هَايِعْجب , نرُوح المِيدَان
أخيراً ياريس , لك مِنا التَحية , نحِس العدَالة , نحِس .................... الأمَان
وإلى اللقاء فى رسالة أخرى .....................!
عنهم محاسب / عَبدالرَءوف نصاَر المديرية المالية بالشرقية
مع التمنيات الصادقة بالتوفيق لكافة العاملين بمصرنا الحبيبة
2/5/2011