يوميات ( كحياني )

اهداء.. الي كلامنجيه الفتره الحاليه ..واصحاب الرؤي والتحليلات التي لاتستند علي ادله اوتطرح افكارعمليه قابله للتطبيق .. الي من همهم النقد للنقد وخلاص
حصريا.. وبعد طول انتظار .. تنفرد رابطه المديريات الماليه بلقاء السيد الخبير المحلل الاستاذ الدكتور / فزلكاوي .. للاستفاده من خبره سيادته وتحليل سيادته للاحداث في الفتره الحاليه علي ان يكون تطبيق رؤي وافكار سيادته بالاسقاط علي وزاره الماليه كنموذج يحتذي به ..
= نتعرف علي سيادتك ..
= اخوكم الدكتور / فزلكاوي ..خبير ومحلل استراتيجي .. دبلومه في ( كتر الكلام ) ..ماجستير في ( اللت والعجن ) .. دكتوراه في ( الرغي )
= ماشاء الله .. ده علي كده سيادتك طرمبه كلام وخلاص
= نحمد الله .. كل واحد وتخصصه .. وهوه اي حد بيحلل يبقي بيكلم .. ده علم يافندم
= الحكمه اللي سيادتك بتؤمن بيها
= ( اقعد واتنك .. واكلم واتفزلك ) ... بالاضافه الي الحكمه الخالده اللي من الست الحاجه والدتي ( اكلم يابني براحتك .. هو الكلام عليه جمرك )
= نخش مباشره في الموضوع والساده الاعضاء مشتاقين لسماع وحهه نظر سيادتك في الاوضاع الحاليه بالتطبيق علي وزاره الماليه
= طبعا البلد بعد الثوره اصبحت متغيره تغيرا ديناميكيا واستيتاكيا وده بينعكس اثره علي البعد المحوري في التقدم التنموي اللي وصل لمنعطف خطير استلزم تدخل جميع الجهات واقامه الجبهات والاعتصامات ... واذا اخذنا وزاره الماليه كنموذج لبلوره الفكره السابقه نجد ان هناك اخطاء كثيره ادت الي الضعف العام في الايراد العام اللي هوه كان اساس خطه رفغ الاحتياطي اللي هوه الاساس النقدي اللي عليه حد السحب في بنك الاستثمار
=نفهم من سيادتك ان السحب من الاحتياطي النقدي هو اساس المشكله الماليه وان الوضع المالي في خطر .
= طبعا .. طبعا .. لان وزير الماليه الحالي اخطأ في عدم تطبيقه لنظريه ( التحول الايدلوجي في السلوك المالي ) ودي اللي بينعكس اثرها مباشره علي ابواب الموازنه والانفاق العام وادت الي زياده المطالب الفئويه والتي تم علي اساسها السحب من الاحتياطي لتلبيه هذه المطالب
= مش فاهميين ..يعني الراجل كان قدامه طريق تاني لتحقيق المطالب .. او حلول تانيه في ظل عدم وجود انتاج والركود التام بسبب الاضرابات والاعتصامات
= يافندم .. كان قدامه طرق كتير وحلول اكتر .. مش طريق واحد ولا حل واحد ..وانا من رايي ان افضل هذه الحلول هو ماكان يجب ان يتم تطبيقه ليكون هو المنهج الحالي في زياده النمو والدخل والذي كان سيتم علي اساسه تحقيق كافه المطالب دون وجود اي فجوات ماليه مابين الايراد العام والانفاق العام
=ممكن نسمع من سيادتك حل عملي تنصح بيه الوزير
=طبعا انا فكري مش هايوصل لفكر الوزير لوجود اختلاف في الايدلوجيه التكوينيه لفكري المالي وفكر سيادته المالي مما ينشأ عنه اختلاف في تطبيق الافكار علي الوضع القائم وحلالهذه المشكله انا بادعو سياده الوزير ان يدرس التجارب الانمائيه والمشاريع التكتيكيه للدول التي سبقتنا في ذلك ولو عاوز اي فكر متقدم مننا في هذا الشأن انا باوعد من خلال هذا المنبر لن نتأخر عن سيادته
=عايزين نكون اكثر تحديدا هل الوزير اخطأ في ادارته لوزارته مما انعكس بالسلب علي الاداء العام من القائمين علي المال العام وهم موظفي وعمال الوزاره
= في هذه النقطه .....
( في هذه اللحظه يعلن المحاور انتهاء وقت الحلقه علي ان يتم استكمال الجزء الثاني قريبا ) ..انتظرونا