يوميات ( كحياني )

عاجل وحصريا ..
***********
رئيس الوزراء في حاله غضب شديد ... بسبب الاحداث الاخيره التي تفجرت بسبب مافعله ( كحياني ) ..وقد استدعي سيادته وزير الماليه ووجه له عتابا شديد اللهجه مفاده غضب المؤسسه العسكريه مماحدث ومن هذه المهازل التي واكبت هذا الحدث واعطت فرصه للحاقدين والشامتين في هذا البلد ان يبثوا سمومهم واكاذيبهم وان يشوهوا صوره الوطن والمواطن المصري ..وقد اعطي سيادته توجيهات محدده لوزير الماليه بضروره سرعه ومعالجه هذا الامر وبيان الحقائق كامله امام الرأي العام الداخلي والخارجي باعتبار ان ماحدث وكان السبب فيه هو فرد ينتمي لاحد قطاعات وزاره الماليه ....
***********
وزير الماليه يدخل مكتبه ( بعد ان سمع مالايرضيه من عتاب شديد اللهجه من رئيس الوزراء ) وقد كان في حاله عصبيه شديده وغضب عارم ..وما ان جلس علي الكرسي امر مدير مكتبه باستدعاء مستشاره فورا ..وكذلك استدعاء ( كحياني ) للتحقيق معه وسماع وجهه نظره فيما تسبب فيه
..... مستشار الوزير يدخل مسرعا... وماان رأه الوزير حتي انفجر صائحا

= شوفولي ( كحياني ) الزفت ده فين وهاتهولي من تحت الارض ..
= بنتصل بيه يافندم من الصبح ومابيردش ..اكيد نايم في البيت ..ولا وراه مصلحه هنا او هنا
= ليه ..هوه مش المفروض يكون متنيل في وحدته دلوقتي وبيشوف شغله
= ياباشا شغل مين ..مناديب الماليه دول بهوات ..لاحضور ولا انصراف ..ولاانتظام من اساسه
يا دوب لو الواحد منهم راح مضي استمارتين ووقعلوا شيكين ..يحس انه هد جبل
= لاحضور..ولاانصراف ..ولابيروحو ا بانتظام
= ايوه ياباشا ..ده ممكن يروحوا في الاسبوع يومين ويقولوا احنا اشتغلنا
= امال ايه لازمتهم ..وهما بيشتغلوا ايه اساسا
=( المستشار يشرح بالتفصيل دور مندوب الماليه ) وقد كان شرحا امينا ومفصلا
= طب ياأخي لو علي الكلام اللي بتقوله ده ...ده يكون قطاع مهم ..ده شغله واحده من شغلهم وهي مراقبتهم علي صرف بنود الموازنه في مسارها الصحيح ..ده اساس شغل الوزاره والمحافظه علي المال العام ..غير المراقبه علي الصرف ..وانهم اساس في تحصيلات القطاعات الاخري ...وعينهم علي الموازنه وعدم تجاوز بنودها ...غير ده كله انت بتقول ان هما اللي بيعملوا البيانات الشهريه والربع سنويه اللي هيا اساس بيانات الوزاره بالكامل ...غير ان البيانات دي يدوي والكتروني علي اللاب توب ...كل ده بيعملوه ..علي كده ده يعتبر اهم قطاع في الوزاره ...
= مش للدرجه ياباشا .. سيادتك مضخم الامور ..ده كل ده شغل موظفين الوحده وهوه ماعليه الا انه يمضي وحافظ كام ماده وكام قانون مايعرفش غيرهم ..ودول اللي عاملنلوا حس ..قال يعني فاهم القانون واللوائح ...انما اي حاجه فنيه جديده او طارئه مستحدثه عاوزه شويه اجتهاد وتفسير ...تلاقيهم احتاسوا وغرقوا في شبر ميه ..اخرها قرار ال200 % كلهم محتاسين فيه وتاهيين ولاعارفين يردوا علي الناس ولاعارفين ياخدوا قرار ..مستنينا كالعاده اننا نشرحلهم ونفسرلهم وهما يبقوا حافظين ويمضوا وخلاص ..
= احنا طلعنا بره الموضوع ..( كحياني ) الزفت ده لسه ماجاش ..
= ييجي فين سيادتك ..هوة هامه شغل ولايحزنون ..ده كل همه طلبات وزيادات ومكافأت ودفعات ..وقطاع زي ماسيادتك شايف مش جاي من وراه الا كل بلاوي ومشاكل ..يعني سيادتك من يوم مادخلت الوزاره سمعت حس ولا جاتلك مشكله ولاحد فضحك من اي قطاع ..الا القطاع المنكوب ده ..وفي الاخر لسانهم طويل ويقولك عايزين مساواه وحصانه .
= ايه مساواه وحصانه دي كمان ....
...وفجأه يدخل مدير مكتب سياده الوزير ويبلغه ان ( كحياني ) قد وصل ..
=الله يخرب بيته ..ومستني ابه دخل الزفت ده حالا
يدخل كحياني ويسلم .....
**************************
تابعونا غدا ان شاء الله .....